اوچ کیشی‌یه بیر تویوق
اوچ کیشی‌یه بیر تویوق
یازار: فئرناندو سیلوا
چئویرن: حسین واحدی
چاووش[گروهبان]، صندلینده اویان- بویان اولدو. گؤزون تیکدی قیزیل دری‌لی‌یه -آجیقلی باخیش لا: «اوندا، دده هیلارییونون تویوق- خوروزلارینی اوغورلایان سن ایدین؟هن؟» دئدی.
قیزیل دری‌لی باشینی آشاغی سالدی. چاووش یئریندن آتیلدی، صندلی‌نی قیراغا چکیب، قولتوغونا کار- کاغیذ ووران کیشی‌یه دئدی: «بو نان‌کور قیزیل دری‌لی، هله بیلمیر، روحانی دده‌دن اوغورلاماغین سوچودا[گوناهی‌دا] واردیر.» کیشی پاققیلداییب، گولدو.
چاووش قاش قاباق ساللاییب، چیمخیریب دئدی:
« گولمه‌یی یوخدور!» سونرا قورخوتما لحنی ایله قیزیل دری‌لی‌یه دئدی: «ایندی سنه گؤسته‌ره‌رم! زیندانا سالاجاغام سنی! ائله ایش گؤره‌جه‌یم، اوغورلادیغین بوتون تویوق‌لارین پولونو اؤدویه‌سن[پرداخت ائده‌سن].»
کامپیوترده ایشله‌ین یازارلارا خبردارلیق
کامپیوترده ایشله‌ین یازارلارا خبردارلیق
زادی سمیتین 10 قایداسی
کؤچورن: حسین واحدی
زادی سمیت[Zadi Smit] مشهور بریتانیا‌لی یازیچی، ائسسئیست[مقاله یازان] و حیکایه یازاری‌دیر. 1975-جی ایلده لوندوندا دونیایا گلمیش زادی سمیتین اصل آدی سادی اولوب. او اؤز آدینی 14 یاشیندا ایکن دییشدیریب. اوشاق‌لیق‌دان ایستئپ رقص‌لری ایله مشغول اولوب، سونرا‌دان موسیقی‌لی تئاتر آکتریساسی[اویونچوسو] اولماق آرزوسوندا اولسا دا، کئمبریج اونیوئرسیتئتینده[بیلیم یوردوندا] اینگیلتره ادبیاتی اوزره تحصیل آلیب. طلبه‌لیک[اؤیرنجی‌لیک] ایللرینده جاز موغننی‌سی کیمی فعالیت گؤسترمیش‌دیر.
اونیوئرسیتئت ایللرینده حیکایه‌لر یازان سمیت اونلاری چاپ ائتدیرمکله ناشیرلرین دقتینی اؤزونه چکیر و بونونلا دا، رومان یازماق تکلیفی آلیر. بئله‌جه “آغ دیش‌لر” رومانی 2000-جی ایلده چاپ‌دان چیخدی و بیر سیرا ادبی موکافات‌لارا لاییق گؤرولدو. بوندان سونرا سمیتین داها اوچ رومانی نشر اولوندو (اونلاردان سونونجوسو 2012-جی ایلده چاپ اولونوب). 2006-جی ایلده ز. سمیتین “گؤزل‌لیک حاقیندا” رومانی اورانژ موکافاتی‌نین قالیبی اولموش‌دور.
زادی سمیتین “آغ دیش‌لر” رومانی “تیمئ” ژورنا‌لی‌نین 1923-جو ایلدن 2005-جی ایلدک یازیلمیش 100 ان یاخشی اینگیلیس دیل‌لی اثر سیاهی‌سینا داخیل ائدیلمیش‌دیر.
او قوشلارین گوناهی نه؟
او قوشلارین گوناهی نه؟
یازار: حسین واحدی
وورورسان، چالیرسان، چاپیرسان، هریانی بیر- بیرینه قاتیرسان، یئری گؤیه، گؤیو یئره یاخیرسان، مقصدین اؤز هدفینه چاتماق‌دیر، بونو یاخشی بیلیریک. شیمیایی بومبالارلا، اینسانلاری قان‌لارینا بله‌ییرسن، ندن؟
چونکو سن ساده‌جه اؤزونو گؤرورسن، اؤزونو! بونو گؤرمه‌یی، اینانماغی، قبول ائتمه‌یی ده ایسته‌مه‌ییرسن!
همیشه ساواش پئشینده اولورسان، باریش سوزو سنین سؤزلوکونده یوخدور کی. سن، سنه اینان اینسانلارلا بیرگه دونیانی محو ائتمه‌یه چالیشیرسان. نییه؟
چونکو سن او بئش گونلوک شاهلیق تختینی گؤرورسن. آل دونیانی وئردیک سنه. گؤتور تاجی-تختی! سنین اولسون. سن بیزی ایلک گوندن جنت‌دن ائشیگه سالدیردین، آلداتدین، یاساقلانمیش مئیوه ایله تاماها سالدین. ایندی ایسه قودرت آدی ایله آلداتماغا چالیشیرسان!
آی سیفلیس شئیطان! سنه آلدانانلارا وای اولسون! وای!
سن مقصدینه چاتماق اوچون هرنه‌یی اؤزونه پیلله ائدیرسن، بونو بیلن-بیلیر! بیلمه‌ین لره وای اولسون. آر اولسون اینسان آدینی یدک چکیب سنه قوللوق ائدنلر آر اولسون آر.
سن هر نه ائدیرسن ائت، آما بیر لحظه دوشون گؤرک، او قوشلارین گوناهی ندیر؟ اونلار ندن قوربان اولورلار، سنین اینسانلاری هلاک ائتمه‌یینین یولوندا؟
یاریم منه قوناق گله‌جک
یاریم منه قوناق گله‌جک
یازار: حسین واحدی
آی‌ایشیغی، سوپورگه‌چی‌نین قیوریلمیش، اوزونو تومارلاییردی. کوچه ده ائولرین یوخو چیراق‌لاری بالالارین دؤوره‌سینه ییغیب، ناغیل دئییردی.
سوپورگه‌چی، سوپورگه‌سینین خیش... خیش... خیش... سسی ایله، کوچه‌نی پارلادارکن. اؤز عالمینده زومزومه ائدیردی:
کوچه‌لره سو سه‌پمیشم،
کوچه‌لره سو سه‌پمیشم،
یار گلنده توز اولماسین،
یار گلنده توز اولماسین...
او، هر جمعه‌آخشامی، سئوگیلی‌سی قوناق گله‌جکدیر دئیه، کوچه‌لره سو سه‌پیب، عشق ایله تمیزله‌ییردی.
سنه اؤپوشمه‌یی من اؤیرتمیشم
آدلیم‌لارین مکتوب‌لاری
سنه اؤپوشمه‌یی من اؤیرتمیشم
آلئکساندر قریبویئدوو‌ون آروادینا مکتوبو
حاضیرلایان: حسین واحدی
آلئکساندر سئرگئیئویچ قریبویئدوو* روس شاعیری، یازیچی، دیپلوماتی. 1795-جی ایل یانوارین[ژانویه‌نین] 4-ده موسکوادا، ظابط[افسر] عائله‌سینده دونیایا گلیب.
تحصیل آلدیغی مدتده فرانسیز، اینگیلیس، ایتالیان، آلمان، داها سونرا یونان، لاتین، فارس، عرب و تورک دیل‌لرینه یییه‌له‌نیب [صاحب اولوب].
1827-جی ایلده تورکییه ایله ایران آراسیندا دانیشیق‌لاردا واسیطه‌چی کیمی چیخیش ائدیب. قریبویئدوو 1828-جی ایلده ایرانلا ایمضا‌لانان تورکمنچای موقاویله‌سی‌نین حاضیرلانماسیندا ایشتیراک ائدیب.
بوندان سونرا ایراندا رسمی سفیر تعیین ائدیلن قریبویئدوو ائله یئرلی ساکین‌لرین سفیرلییه هوجومو زامانی آمان‌سیزجا قتله یئتیریلیر. جنازه‌سی تیفلیسه آپاریلان قریبویئدوو بورادا مقدس داوید کیلسه‌سینده دفن اولونور.
آشاغیدا گلن مکتوبو، قریبویئدوو اؤلومون‌دن 45 گون اول ایرانین قزوین شهرین‌دن حیات یولداشینا یازدیغی مکتوبو تقدیم ائدیر.
قزوین ، دئکابیرین 14 –و ، میلاد آخشامی ، 1828-جی ایل .
کیمین اوچون یازیرسینیز؟
کیمین اوچون یازیرسینیز؟
یازار: اورخان پاموک
کؤچورن: حسین واحدی
اوتوز ایللیک یازیچی‌لیق
حیاتیم بویونجا، هم اوخوجولاردان، هم ده ژورنالیست‌لردن ان چوخ ائشیتدیگیم سوال‌دیر
بو. سوا‌لی وئره‌نین نیتی و اؤیرنمک ایسته‌دیگی شئی، یئره-زامانا گؤره دییشیر. آما
سوا‌لی وئره‌نین شوبهه‌چی، دوداق بوزن، حیله‌چی اداسی هئچ واخت دییشمیر.
رومانچی اولماغا قرار وئردیگیم 70-جی ایللرین اورتاسیندا، تورکییه‌ده بو سوال “پرئ-مودئرن[pre-modern] دردلرله اللـه‌شن غرب‌دن‌کنار یوخسول بیر اؤلکه‌ده، صنعت و ادبیات لوکس بیر ایشدیر” شکلینده سسله‌نن محدود دونیاگؤروشونو عکس ائتدیریردی. بو دوشونجه‌نین "سیزین کیمی تحصیل‌لی، مدنی بیر آدام اؤلکه‌سی اوچون کؤرپولر تیکن موهندیس، یولوخوجو[عفونی] خسته‌لیک‌لرله اللـه‌شن حکیم[دوکتور] اولوب داها چوخ فایدا وئره بیلردی" شکلینده بیر نؤوع ده وار. 70-جی ایللرین اولینده ژان پول سارتر[Jan Pol Sartr] بیافرا‌لی[بیافرا، آفریقادا اؤلکه آدی] بیر فیکیر آدام اولسایدی، رومان یازمایاجاغینی دئیه‌رک بو دوشونجه‌نی کوتله‌وی‌لشدیرمیش[عموم اوچون رواج وئرمک]، بو دوشونجه‌نی حؤرمته میندیرمیشدی.
هر شئی اعلادی
هر شئی اعلادی
یازار: فیلیپ دئلئرم
کؤچورن:حسین واحدی
تانیتیم:فیلیپ دئلئرم Filip delerm-فرانسیز یازیچی‌سی، ادبیاتشوناس. 1958-جی ایلده شاپونوالئده آنا‌دان اولوب. فرانسادا ان چوخ اوخونان مؤلف‌لردن بیری حساب اولونور. “ایلین بئشینجی فصلی” (1983)، پاییز (1990، آلئن-فورنییه موکافاتینا لاییق گؤرولوب)، “ساندبورن و ایشیق‌لی گون‌لر (1997، ناشیرلر و کیتابخاناچی‌لارین میللی موکافاتینا لاییق گؤرولوب)، “محو ائدیلمیش سیئستا" (2001) آدلی اثرلرین مؤلفی‌دیر. فیلیپ دئلئرمین ان مشهور اثرلری ایسه “زامانی ایچن” رومانی و “ایلک پیوه[آرپا سویو] قورتومو و حیاتین دیگر خیردا سئوینج‌لری” آدلی حکایه‌لر کیتابی‌دیر.
*********
“هر شئی اعلادی، عنتیقه‌دی...”. آتام وانئلین عطیرلی قهوه‌دن ایچه‌رک باشییلا تصدیقله‌ییر: “پاکیزه...”. اوندان بونو ائشیتمک گؤزله‌نیلمز بیر شئیدی دئسم یانیلمارام. هله ایندیدک آتامین بئله سؤزلر دئدیگی یادیما گلمیر، اینانین. آلزایمئر خسته‌لیگین‌دن اوزون ایللردن بری صندلی‌سینه “یاپیشمیش” سکسن‌دوققوز یاش‌لی کیشی‌نین بیردن بیره “هر شئی اعلادی، عنتیقه‌دی...” دئیه پیچیلداماسی منه قریبه گلیر. او، قهوه‌سینی آراملا، قورتوم-قورتوم ایچه‌ری اؤتورور. آز کئچمیش حس ائله‌ییرم کی، داها ایچه بیلمیر، آما آخیرادک ایچه‌جه‌یینه امینم. او، سانکی کیمه‌سه سؤز وئریبمیش کیمی همیشه‌کی‌تک قهوه‌نی سون داملاسینداک قارنینا دولدورور. اونا وئریلن‌لری آخیرادک یئییب-ایچمک-بیرباشا عؤهده‌لیگی‌دیر ظن ائله‌ییر.
یاغیش
یاغیش
یازار:حسین واحدی
آیین‌شایین، هاوا چاخدی. بولودلار دیسکینیب آغلادی.
Yağış
yazar: Hüseyn vahidi
Ayınşayın, hava çaxdı. Buludlar diskinib ağladı.
دانیشیق معجزه سی له سؤزلرین گوجو
دانیشیق معجزه سی له سؤزلرین گوجو
حاضیرلایان: حسین واحدی
قدیم کیشی‌لر دئمیش‌کن، "آز دانیش، ناز دانیش". بیزده چالیشاق ایندیکی، حیاتیمیزدا دانیشیغیمیزا دوزگون دقت یئتیرک. دانیشیق و اونون یانیندا مثبت دوشونجه بیزه و اطرافیمیزداکیلارا چوخ تاثیر قویور. چوخ ائشیتمیشیق منفی ذهنه صاحب اولان‌لار باشقالارینین دا موفقیت‌لرینه مانع اولوبلار. "سندن هئچزاد چیخماز، اودوزارام، چتین دیر و..." بئله-بئله سؤزلر همیشه بیزی دالا ساخلاییب‌دیر. چالیشمیشام بو قیسا یازیدا بعضی مثبت و تاثیرلی جمله‌لرله بلکه ذهن‌لریمیزده و دانیشیقلاریمیزدا فرقلی اولماغا ندن اولوب، دونیایا مثبن گؤزلوگو ایله باخماغی ذهن‌لریمیزده یارادام.
کدبانوی آذربایجانی
کدبانوی آذربایجانی |
 |
  کدبانوی آذربایجانی گالری عکس آذربایجان/حسین واحدی-این
روزها کدبانو های آذربایجانی، خود را برای برای زمستان، آماده می کنند.
حاضر کردن مرباهای رنگارنگ، حاضر کردن انواع عرقیات گیاهی، حاضرکردن رب
گوجه و... از جمله این کارهاست. با وجود اینکه امروزه در همه فصول همه این
ها موجود است ولی کدبانوی آذربایجانی همچون نیاکان خود، کمپوت ها، مرباها و
عرقیات گیاهی خانگی برای فصول سرد اماده میکند. در کنار اینها خشک کردن
انواع سبزیجات نیز از عادات نیک این خانمهای خانه دار است. با حوصله زیاد
سبزی ها را پاک کرده، ابتدا در جای آفتاب‌گیر قرار میدهند و قبل از اینکه زرد بشود از آفتاب برداشته و در سایه میگذارند، بعد از خشک شدنشان، آنها را در شیشه ها یا کیسه های پارچه ای ریخته و در
سرمای زمستان از انها استفاده میکنند. عکسها: حسین واحدی/تابستان- مرداد 1392 منبع: گالری عکس آذربایجان |
